Dil ki Gehraiiyon se ek aawaaj aayi hai ;
Aaj phir se ek sada ne humein unki yaad dilayi hai ;
Ek baar phir woh saare manjar aankhon ko gamgeen kar gaye ;
Sab yahi puchchhte hain,woh kyon na waapas aaye,jo ek baar gaye ;
Unn Waadon ka kya hua,jab humne chaand se le aasman tak ki duhaai di thi ;
Aaj woh kaun hain,kahaan hain ,Joh kal thi,dil puchchhta hai ki woh najneen kaun thi ;
Unke didaar ki chaahat mein yeh chaand kyon chakor bana baitha hai ;
Sachchai pata hai,phir aaj bhi kyon yeh dil saawan samajh kar mor bana baitha hai ;
Kaash jo woh humein aur hammare haalaat ko samajh paati ;
Toh shaayad aaj woh issh rishte ko kuchchh aur shakl de paati ;
Par doston ,raaste kisi ke thamne se nahin ruka karti,Kaarwaan toh yoon hi chala karta hai ;
Palkein har kisi ke ibaadat mein nahin jhuka karti,Ki aashiyan manjil ki talaash mein kahaan ruka karta hai ;
Hum bhi yoon hi chalte chalte ek nayi shaam dhood lenge ;
Jinse dil laga sakein,Waisa koi ek aur naam dhundh lenge ;
Kyonki Chalti Ka Naam Hi Toh Zindagi Hai !!
No comments:
Post a Comment